請選擇 進入手機版 | 繼續訪問電腦版

ckin馬友農/william.c 貼文Archive

    From:
  • 謎網
  • 香討
  • 人網
  • 咬台
  • 人民台
  • 中時
用戶名
密碼 註冊
查看: 1432|回復: 4

(七)拉布戰---拉布失敗之後:雙人頭頭的反應 [複製鏈接]

Rank: 9Rank: 9Rank: 9

發表於 2012-5-23 18:59:00 |顯示全部樓層
拉布失敗之後:雙人頭頭的反應

五一六拉布失敗之後,我幾好奇雙人頭頭的反應及解說。第二日(17/05)郁人在節目中,表現尚可,很含蓄地說過一句「敗軍之將」(下一句應是豈能言)。反而旁邊的梁x祥首提「拉布是勝是敗」之義,屬跌落地拿返渣沙的詭辯。

18/05風消消節目中的消氏,仲令人眼界大開,直情好似當拉布係嬴咗咁嚟回應,全程哈哈笑---其他主持人也興高采烈似的----我真係唔明有乜咁好笑。對比梁x祥的高級詭辯,人網真的是烏合之眾玩政治,賴皮,嚴肅的來講,係冇心肝。

笑乜呢,原來專訕笑曾鈺成「打茅波」,訕笑中指黄的疑似說慌。一句不提拉布之戰是輸是嬴,好似慶祝自己嬴咗咁。拉布戰輸嬴的定義係阻唔阻到法案通過,nothing elese。拉布戰過程好比人社三子用刀仔刼持一班濶佬,突然標出一條差佬用手槍打瓜三子(係不公平)。三子代理人哈哈大笑,訕笑條差佬唔記得拉褲鏈....,訕笑條差佬唔預先警告….佢唔記得三人己經瓜咗(比喻)。

(1)
1008

Rank: 9Rank: 9Rank: 9

發表於 2012-5-23 19:00:00 |顯示全部樓層
拉布戰---
拉布失敗之後:雙人頭頭的反應


拉布戰勝敗的唯一標準係阻唔阻到法案通過,雙人頭頭慣常的文過飾非,令人扼腕。講咗N次,雙人頭頭的死症係唔肯講俾信徒聽點deal with香港鳥籠民主,越玩越死。一個專鬧人,為樹敵怪魔;一個專講I had a  dream,為認叻怪胎,陶傑一早話佢地為偽激進派。冇人學佢地玩政治玩得咁屎的,將所有人得罪哂(包括傳媒,及閙香港人),咁唔係叫做抗爭,進一步就叫做反社會了。

睇吓郁人係周二晚(22/05)由梁文道鬧到xxx!佢又學消氏話拉布係一種勝利,真俾佢吹漲。佢地話(勝利之處)暴露咗建制派、民主黨、曾主席的醜態,郁人話「自己做哂嘢,俾人剪布唔關自己事」(大意)---咁有乜用?邊個用刀仔刼持人,然後俾人用手槍打瓜先?the main point係,班濶佬有冇被刼持到(阻唔阻到法案通過)?人社三子和幫手有冇俾人打瓜(剪布)?你猛講點用刀仔插,猛講主席用手槍點唔公平法,文過飾非到極。

檢驗拉布仲work 唔 work的標準係:
(1)以後仲可唔可以用拉布KO政府-----比如改組方案?
(2)雙人以後仲會唔會用拉布戰,唔好色厲內荏---same as仲會唔會用總辭變相公投?---先不講市民讚不讚成。
(3)點樣防止政府揾方法拑制你拉布?你越玩越縮,就越悲壯,就越鬧人,咁無用的。

(2)

使用道具 舉報

Rank: 9Rank: 9Rank: 9

發表於 2012-5-23 19:00:00 |顯示全部樓層
拉布戰---
拉布失敗之後:雙人頭頭的反應


雙人頭頭始終搞不清自己係搞革命定参政(仲以為參政可推翻政府)。穌虾仔都知道,参加政治是要團結黨友去打擊政敵的,邊有人仲衰過太平天国咁,不理清軍專殺自己人的?(聽到郁人仲怨毒地在駡陶君行,令人不寒而慄)---又點會不鬧民建聯而狂鬧泛民主流派的?

雙人擺明係参選搞政治,但行為同意識又點會好似文革人咁的?---「不斷打倒」,「xx無罪、xx有理」,等等。稍有政治智慧同政治風範的的人,在被剪布後,都識「見好就收」,而放棄「表決戰」的----因為這是極度損人不利己的動作。

這就是文革人行為意識---「不斷打倒」。郁人仲興奮地說,「大舊一個人拖死30幾人,值千億….」,人網白痴仔就話:「嚇到班功能議員以後唔敢選」---白痴!功能組別仲存在的呀,激進派打破潛規則的拉布行動只會re-flash來屆建制派議員的備戰意識,以至更改對付拉布的章程,以至替換姑息派曾主席,(鬥爭)軌跡一如總辭變相公投之後來個替補方案,誰怕誰?中方/港府對付香港搞搞震派,大概早己視為一種「政治鬥爭」,而雙人頭頭似乎仍在「革命」和「参政」間瞎蠻纏。

(3)

使用道具 舉報

Rank: 9Rank: 9Rank: 9

發表於 2012-5-23 19:01:00 |顯示全部樓層
拉布戰---
拉布失敗之後:雙人頭頭的反應


穌虾仔都睇得出雙人係「参政」層次中,係搶泛民主流票,所以唔得閒去鬧建制派。本來雙人掌握10%票,已夠殺,奈何還要咁重口味搞「革命」---比如要隊冧議會的拉布戰?這是身不由己,俾樹敵怪魔拖住走。

我早已寫過,郁人私心自用(非師心),學民進黨搞公投---亦要佩服佢,搞得起---而客觀後果係泛民分裂+中方/港府收緊鳥籠。唔好發夢,大舊的什麽新民主運動從未出現過;社民連分裂;年半後的票債票償亦徹底失敗。一個唔覺意,俾埋梁英上台添(我兩年前公投時早有此預言,唔明消氏點解會因梁英上台而當眾喊)。替補方案係總辭變相公投的延續鬥爭,而拉布則是被迫反擊的動作,身不由己----但是,大哥,市民假如反對出缺方案,黃達入冊時就早己有人上街啦。

雙人一直鬧民主黨,民主黨可一點不蠧,他們可以說是政治老孤狸,清清楚楚自己做緊乜,清清楚楚自己的参政目的,清清楚楚雙人的有勇無謀,學足中共咁打不還手,陰乾雙人。仲唔止,仲係雙人拉布身上攞著數,直情係兀鷹。睇吓人社三子仲糾纒於表決戰的爛戰場時----泛民冇一人出席聲援----泛民主流議員已紛紛在政府改組上大施拳脚,市民仲以為泛民主流會用拉布對付政府改組方案。冇人報道三子拉布延長賽,正宗拉布黨被邊緣化,惡名由雙力孭,榮譽由泛民孭(劉卿強調合理的拉布)。雙人頭頭只能在自己網台上也文也武,其實是一貫的文過飾非,於九月選舉其實沒有什麽幫助---死忠份子晤會增加。缺乏組織實力下,新人除黄達外,睇嚟餘皆屬哂氣一類。

(4)

使用道具 舉報

Rank: 9Rank: 9Rank: 9

發表於 2012-5-23 19:02:00 |顯示全部樓層
月照紗窗

>>引用:
原帖由 william.c 於 2012-5-25 02:52 AM 發表
拉布戰---
拉布失敗之後:雙人頭頭的反應
穌虾仔都睇得出雙人係「参政」層次中,係搶泛民主流票,所以唔得閒去鬧建制派。本來雙人掌握10%票,已夠殺,奈何還要咁重口味搞「革命」---比如要隊冧 ...
<<

呢個論點比較新鮮, 在面書的泛民支持者, 反應似乎一面倒指責泛民不支持拉布, 尤其是民主黨, 更是眾矢之的, 生果報的面書留言, 已有人力打手進駐, 政治新聞固然梗有幾個跳出來宣傳民主黨出賣民主, 話今世不投民主黨云云, 改投人力, 無關的新聞也要踩民主黨一腳, 而且人力和城邦論派似乎有合流傾向...

使用道具 舉報

您需要登錄後才可以回帖 登錄 | 註冊

Archiver|手機版|ckin馬友農/william.c 貼文Archive

GMT+8, 2022-10-5 16:30 , Processed in 0.050006 second(s), 9 queries .

Powered by Discuz! X2

© 2001-2011 Comsenz Inc.

回頂部