請選擇 進入手機版 | 繼續訪問電腦版

ckin馬友農/william.c 貼文Archive

    From:
  • 謎網
  • 香討
  • 人網
  • 咬台
  • 人民台
  • 中時
用戶名
密碼 註冊
查看: 1814|回復: 8

花生一下「早朝事件」 [複製鏈接]

Rank: 9Rank: 9Rank: 9

發表於 2012-4-29 01:13:00 |顯示全部樓層
前面的「同是義和拳式激進派,早朝達好過消風簫」命題,有時間再elabroate。

這裡不能不講下「早朝天下停播、黃達退出人網」事件。此事件熱爆網絡,趁住未看哂所有分析之前,用花生友身份講講自己的看法---有個Fallen Angelle仲係我facebook(冇add朋友的FB) 刊咗一篇《精確解讀蕭若元對早朝事件的說詞》,仲未睇。

先將「早朝事件」放在老消大戲中觀看。
●老消大戲即是「老消搞政治大戲」---佢imply係:争取香港民主;戲棚係人網、Myr、前LSD、選民力量、人民力量,等等。(老消自己以為舞台是香港政治環境,亦無不可。亦可以咁講,應該係成個戲院(社會) ,而老消意圖用個戲棚改變成個戲院)

●重要人物係兩個老豆太上皇。郁人係師叔,係苯人出手個一批。此外係一班嘩鬼,由阿陶、馬仔到人網一班擦鞋仔,以次係一班網上信徒。阿陶作反,分裂出去,太上皇欲焗另一師叔長毛入殼歸邊,失敗。馬仔smart-ass,自我放遂,新冒出的嘩鬼叫黃x達。

1014
6012

Rank: 9Rank: 9Rank: 9

發表於 2012-4-29 01:14:00 |顯示全部樓層
花生一下「早朝事件」(2)

●「早朝事件」可能有千百個原因,總之唔會百分百係老消&Co在27/04晚所解釋的。真正原因外人無法知曉,以後會自然透露出來。目前可以花生一下的是事件的表像和推演一下事件的本質。用大陸政治比喻,「早朝事件」在人網小圈子中,是林彪沉沙折戟(負面)而非四人幫被抓(正面) ;是太上皇No.1清洗嘩鬼黃,141點襟都冇用。

●「早朝事件」的本質係兩個太上皇為了強化自己的樂園而產生的碰撞,新寵黃x達是事件導引者。信徒們唔好咁天真,以為兩個太上皇純為革命(民主/反共) ,大哥,打個比喻,仆嘢同時可以「為咗表現愛+生仔+過癮(pleasure) 」,OK?太上皇樂園尤如仆嘢,多種目的可以共存。 太上皇No1. 的樂園叫人網,活動包羅萬象、千奇百怪。太上皇No2. 的樂園叫普羅學宛,目的比較單純: 一人控制的黃埔(收錢的)+ (try to be)國民黨(比喻)。個個141主席,大講「人民力量鐵的紀律」,笑到人碌地,此只不過是兩個太上皇樂園下苟且不清的小戲棚而已。

●假如用生仔嚟代表某人參選立會,眾口一詞冇人反對,但問題的本質係仆嘢呀!係我嘅樂園過癮定係俾你嘅樂園過癮呀!OK?

使用道具 舉報

Rank: 9Rank: 9Rank: 9

發表於 2012-4-29 01:14:00 |顯示全部樓層
花生一下「早朝事件」(3)

●推演:太上皇簫當初拉黃x達主持早朝天下,係偏向商業以及壯大人網政治能量(如代表人網沖擊替補機制會場) ,喂,一個唔覺意被太上皇郁拉去壯大普羅學宛---美其名曰參選立會議員,人力不見了,遑論人網。太上皇簫在節目中聲色俱厲,一方面勁插黃x達將會破壞早朝節目,所以不得不停---原因係黃達參選(兼坐監)。一方面又大力支持黃達參選,虛偽到暈,全世界網友聽到霎吓霎吓。

●大哥,黃x達代表人網去參選兼坐監咪無事囉,開多個節目都得呀!it happens 普羅學宛係第二個山頭(但又隱藏於人力下),自己個女納埋嫁裝同人走佬,但對方又係親威,冇聲hae。個個141主席七情上面做大戲,狐假虎威,自己係老消條哈吧狗,係人力主席喎,以為普羅學宛under人民力量,咁普羅學宛下面的熱血公民,再下面的達某,又受老消糧,唔炒得呀?行委們不準嘈!而且講到參選立會要隊冧梁英咁滯,殊不知係兩老爭新女。

●此所以烏合之眾之謂也,所有名堂都是戲棚,重點是人治。郁人的政治能量大於金主簫的政治能量,而金主簫却一直以為自已cover it all(聽過倒董未?),長毛及郁人之入得立法會,大概都拜自已能量所賜,人網尤其天下無敵!頂冧井崗山,阿郁人你傾家盪產撬友,想點?

使用道具 舉報

Rank: 9Rank: 9Rank: 9

發表於 2012-4-30 01:15:00 |顯示全部樓層
花生一下「早朝事件」(4)

●To be fair,兩個老豆亦唔係咁大矛盾,郁簫二人一明一喑,在香港政壇亦各有一片天空。「早朝事件」的另一本質是黃x達在技術上是脚踏兩頭船,不排除報章上所報道的借艇割禾,but,大哥,人力主席係人網人呀!你姓人定姓普?而要害中的要害是,我推測,先前黃x達埋堆人網,對老簫卻不夠近文知化,好似唔多入人網搭。黃x達呢條新女無疑係正,幾旺場,但唔肯交心,仲想又食又拎投靠另一聯營妓寨(以上係比喻) ,唔嬲就假。

●先前,用人網哈巴狗做人力主席,欲箍郁人普羅學宛,但郁人睬你都傻。黃x達既不入人力,在節目中亦少提四個偉大(比喻) ,尋且另起熱血公民爐灶,伙拍郁人參選,這是郁人(客觀效果上)赤裸裸向老簫搞上海文革幫。但假如黃x達唔入搭幫兇,點會成事?睇下老簫係節目上講幾介意熱血公民呢面旗幟,就知道。

●仲有一點,恕我亂猜,老簫可能feel到黃x達洞悉自己的On9(含講嘢On8) ,大家記唔記得老簫點樣飛起長毛的?係長毛最後開始質疑老簫的「學問」而起的。老簫對長毛的感情完全基於"呢個革命佬佩服我",點知係假嘅---長毛最後晤肯詐第落去。本來,人人近文知/劉噏化就冇事。估計黃x達持才傲物,唔肯做戲,逗人人工兼自己起名,心却倒向太上皇No.2,老細不炒更待何時?

●而底因中的底因可能是,兩個老豆的樂園圈子向來區隔不明,山頭不清,系統隸屬不明。估計LSD分裂後,老蕭用141做人力主席,係想連郁人都override埋。人網人多勢眾,但冇一個上得大枱,黃達一撬就過檔,係幾慶。又或者郁人冇諗住咁做會犯忌,亦諗晤到老蕭的目的係想達某一條心做節目,壯大人網商業個一瓣。緣何老蕭向來鄉愿,未能決斷地向郁人講清楚,甚至拖泥帶水地又想做雞(商業)又想做神父(革命),以為黃達入得立會會隊冧梁英。遂有沒有三席就摺埋人網的胡言亂語,他真的以為淫網是個神聖大教堂(革命基地)。

使用道具 舉報

Rank: 9Rank: 9Rank: 9

發表於 2012-4-30 01:15:00 |顯示全部樓層
kenken77

很有趣的人物關係表!
從前不太了解自己為何喜歡上人網,又不是認同他們所談論的東西,
自問也不是一個很八掛的人.
看完樓主寫的文章,我終於有點反省.
他們這個體系活像一個精彩的連續劇,人物眾多,每季都有高潮位,
上季社記分裂已精彩萬分,以為很難再有超越,
估不到今季加入新角色光頭佬後還能製造高潮位,
真是欲罷不能,
也終於明白為什麼會有人叫人戎聽人網,可能真是出於善意,
始終喜歡偷窺人性的陰暗面這興趣不太健康啊!

使用道具 舉報

Rank: 9Rank: 9Rank: 9

發表於 2012-4-30 01:15:00 |顯示全部樓層
花生一下「早朝事件」(5)

對上述的推斷及分析=兩個老豆幫的磨擦through黃達,直接證據是:
(1)老消在節目中挪揄郁人幫黃達建辦事處,會傾家盪產,不滿之情,溢於洋表。和先前的「係,我唔反對黃達參選…」形成虛偽的對比。

(2)事情剛發生,報章上已刊出「據香港人網知情人士透露,黃其實是被蕭若元解僱…」消息(27/04),似有人報料;馬仔在facebook中疑似單打黃達;在之前(26/04) 郁人在節目中挪揄了一兩句人網擦鞋仔,等等。

(3)141主席在台上一方面大唱和諧經,一方面色厲內荏,傳達太上皇意志,高舉「人民力量鐵的紀律…」,欲蓋彌彰到暈。

(4) 我晤Buy老消自己會參選及向CIA交代之說。我傾向贊同老消不肯付錢俾黃達打官司,遂產生此種種反彈的推測。但話說回來,老消點解唔肯俾錢先,當時光頭達倒向郁人未先。

(5) 雙輝在節目中透露在周五看到黃達入數碼台,不排除搲撈的可能,云云。這和我說的:香港激進派有撈家(機會主義者)的一面,有吻合之處。

使用道具 舉報

Rank: 9Rank: 9Rank: 9

發表於 2012-4-30 01:16:00 |顯示全部樓層
花生一下「早朝事件」(6)

有人說,原因之一可能是「早朝天下」收視低(據說一千上下),老蕭故斬之。這似不大可能,老消似不會這麼決斷性。對網台基本上不會賺錢,我早有長文分析過。

「早朝天下」甫立,我也說過,會很難搞。第一時間太長,晤知講乜好;第二,是網台本身的局限性。點知,黃達做得幾好,我跌哂眼鏡。我後來跟聽,認為「早朝天下」可聽性遠勝「風蕭蕭」。而第二點,我似乎講中,人網用盡九牛二虎之力,都不能將網台改變成收音機。「早朝天下」的結果是伙記暴起,老板暗瓦底PK。

講開,我另一分析,day one就講:讀新聞唔掂,因為蕭氏唔知乜嘢叫讀新聞,仲認屎認屁地話人網讀新聞professional過TVB(揭四十年前TVB塞張紙叫佢埋位讀新聞出街的神勇事績) 。結果,人網讀新聞環節從未發生過,條友以為拿張報紙讀吓就會成為一個節目。

我又點知唔得?緣於小弟最早期以前寫過talking節目稿,幾蝦人的。TV新聞稿更攞命,直情係一種再創作,一般編劇都寫唔出(因為要有新聞訓練底) 。電視新聞稿通常只有30秒到三四分鐘到,濃縮到暈,同報章新聞係兩回事。況且報章新聞係白話文,for reading,電視新聞稿係半口語化,for lisening,是不同的表達形式。我唔明條友撈咗四十幾年,會唔知呢種分別,此相等於,話要通過三級仆嘢片(3D肉婆團) 嚟表現愛情偉大的主題一樣咁On9!

使用道具 舉報

Rank: 9Rank: 9Rank: 9

發表於 2012-5-1 01:16:00 |顯示全部樓層
花生一下「早朝事件」(7)

睇到黃達《笑死朕 TALK SHOW 始動!》個條片

我諗返吓,我要修改「早朝事件」的定性(指推測上) ,由「老消V.s郁人」改為「老消V.s黃達&郁人」,黃達先至係主角。

黃達埋堆人網,唔只唔舔老消,甚至個人聲勢加速暴升。《熱血公民》不止於是內部政冶鬥争層次,且是個人魅力層次---黃達是另一個黃郁人!而且會搞笑,老消呷醋了!!! 黃達的搞笑魅力(看youtube) 沛然莫之能禦,《媽媽聲愛你》似也不能擢其鋒,老消不酸幾希。黃達晤係馬仔,晤會係節目上俾老消"教誨"(兼玩弄),黃達勢己成,一碰撞就係炒魷的劇情,花生友(追包括在下)迅雷不及掩耳。

「老消炒黃達因為呷醋」,是不是一種怪論,let see!

先前,我已看好此光頭仔,大家意識形態雖然不同,佢D小說雖然屎,雖然憎還憎,見到佢幾醒,要點出來。我以前說過:

(轉貼)
UID8823 帖子52 積分95 在線時間40 小時  155#
發表於 2012-3-13 18:04 |

唔係話中意黄達,條友係幾醒
佢係狂妄,觀點立場唔好計,佢冇乜蠢話俾人捉住,
唔似肥消,係好聰明,但亦有好多蠢嘢,
出面一棚人都睇出肥消弱點,黄達冇理由睇唔到,
黄達為$可以順從吓,但搞起革命,佢唔會自認差過肥老板,
黄達有自己個一套。

肥消唔會出去做嘢,冇功好立,立德?唔好講笑,
剩返立言一項(所謂論述),都係見仁見智---以黄達角度(黄達好多見解和肥消不同)
肥消只有一項嬴哂---立金。
但一個哂金的郭友仔追上來...。

--------------------------------------------------------------------

發表於 2012-3-15 18:32 |

肥消近呢一年手勢唔多好,似乎買乜輸乜。
區選,輸。票債票償,.......

………….

埋堆方面,係執到件黄達以及郭亞叔揩埋嚟,但唔知飬唔飬得熟?
比較可以講的是再打小人成功,但總唔見報實數,又俾Q仔閙封建。
回水八千冇人聽佢支笛。
唯一告慰者係社民連瓜剩長毛。

------------------------------------------------------------------------------

上個月鄙人就看出黄達「醒」以及「飬唔飬得熟」的端倪,但估唔到個零月後就爆煲!

使用道具 舉報

Rank: 9Rank: 9Rank: 9

發表於 2012-5-1 01:16:00 |顯示全部樓層

插播:

插播:插播:插播:

使用道具 舉報

您需要登錄後才可以回帖 登錄 | 註冊

Archiver|手機版|ckin馬友農/william.c 貼文Archive

GMT+8, 2022-9-29 07:20 , Processed in 0.064308 second(s), 9 queries .

Powered by Discuz! X2

© 2001-2011 Comsenz Inc.

回頂部