請選擇 進入手機版 | 繼續訪問電腦版

ckin馬友農/william.c 貼文Archive

    From:
  • 謎網
  • 香討
  • 人網
  • 咬台
  • 人民台
  • 中時
用戶名
密碼 註冊
查看: 2874|回復: 24

影評/雜談:"奪命金"、老蕭談台灣片、《那些年…》 [複製鏈接]

Rank: 9Rank: 9Rank: 9

發表於 2011-10-24 23:31:00 |顯示全部樓層
本帖最後由 舊電影人 於 2011-11-26 23:23 編輯

本帖最後由 舊電影人 於 2011-11-2 03:27 編輯

我係肥杜fans,從「碧水寒水奪命金」(1978)就注意佢(一個藝員轉做導演?---當時唔知佢係當fit電視編導) 。

1987年時我在電影工作室當策劃,肥杜亦是阿徐旗下導演,拍《城市特警》。時為杜落難期,嘗聞阿徐(監製)不斷complain他,當時我仲以為肥杜好唔掂(後來證明阿徐中意招攬好手,但結果合作都唔成功)。到1990年代,肥杜大起,我在報章專欄寫有「杜琪峰的四個電影生涯」一文(1999),大加讚譽。點知肥杜越戰越有,尋且雄霸2000年代香港影壇,這位前新浪潮導演(與黄華麒、譚家明同期,早新浪潮期出道,但年紀細八至10歲)歷久彌堅。

我係財經迷(但無買股票),《奪命金》第一時間鍾入戲院睇(我近年少入戲院,皆因無耐性)。肥杜近年作品有起有落,《奪命金》唔係財金片,係sucsessful story個類,都幾好睇,電影成績我俾55分(肥杜黑社會片值85分架) 。這裡不作細評,只想鋤下肥杜在影片中「分敍」技巧的失敗。記得我在2007年時在人網評《神探》觀點技巧,都幾多人捧場。http://www.c4ckin.com/forum.php? ... &extra=page%3D1
睇下今次有冇人識「分敍」技巧,大家傾吓。


注:杜琪峰應該不很肥胖(我未見過佢),肥杜係行內暱稱。

Rank: 9Rank: 9Rank: 9

發表於 2011-11-26 22:32:46 |顯示全部樓層
無人搭嗲,可能仲未有人睇過部片,首日收五十幾萬,瓜瓜地個種。

使用道具 舉報

Rank: 9Rank: 9Rank: 9

發表於 2011-11-26 22:33:33 |顯示全部樓層
#五香墾丁

我還未看 "奪命金", 但頗有興趣.

同樣有趣的是, 同期上畫的, 還有在台灣 hit 爆的 "那些年,我們一起追的女孩".

這些年來, 台灣的電影, 重現了電影應有的朝氣, 像 "那些年", 主題健康 (雖然據聞有打飛機情節), 看後令人舒服.

而這幾年的港產片, 不是全力討好大陸市場, 就是不斷逃避現實, 再不是, 就像 "奪命金" 那樣, 片中每個人, 都好像沒有將來, 沒有希望, 與近年台灣片, 形成強烈相比.

但是, 我並不是說 "奪命金" 這片不好, 看完之後, 再來分析.

使用道具 舉報

Rank: 9Rank: 9Rank: 9

發表於 2011-11-26 22:34:11 |顯示全部樓層
>>我記得應是 "碧水寒山奪命金"~
teddyli 發表於 2011-10-24 20:02 <<

是,寫錯。該片很早拍(1978年),但遲至1980年才公映。阿杜(當時不叫肥杜,相信後來肥杜係阿杜肥牛的轉稱),係第一個彈出嘅TV編導(指個一脫),而"碧水寒山奪命金"係左派公司(凰凰)投資片,當時聽聞"碧"片拍到嘔白泡。1981年我任邵氏"星際純胎"總製片,聽聞鍾姓女星在大陸拍"碧"片,窮山惡水,鍾女傷腳,攝影師義务背負鍾女埋位(窮山惡水),二人遂展開情事,成美談(當然二人好快散)。又及,"碧水寒山奪命金"一片在正式資料中,該名攝影師名字並不入列,可見此片拍攝情況之艱辛。

使用道具 舉報

Rank: 9Rank: 9Rank: 9

發表於 2011-11-26 22:35:52 |顯示全部樓層
>>「分敍」技巧我完全唔識,
舊電影人寫d" Notes"(教學)教下我地呢d初哥好喎。
4313 發表於 2011-10-25 01:08<<

又唔係學院派,又已過氣(指自己),教乜鬼人吖,呢到又不是影視班或影視界。我純粹吹咋,for 自己own fun,但不學S氏般亂吹,自問仲對得起自己,記性又幾好‧係facts方面(寫咗十幾年),無人指責過我。寂寞的是,連評論方面都少人挑戰我---"神探"有人駁吓我,但唔到point。

舊時香港冇乜電影科,現在電影糸如雨後春筍。兩年前跟人去IVY同理大睇吓D學生拍的獨立短片---小弟是香港實驗電影老袓宗(第二潮),獲邀觀看。嘩,D水準屎到痺,D導師亦如是(指講嘢),想唔以老賣老都唔得,但冇人會教我地。

Btw,「分敍」不是學理上叫法,我自己作的,下面會講的(等多D人睇過部戲先)。

使用道具 舉報

Rank: 9Rank: 9Rank: 9

發表於 2011-11-26 22:36:32 |顯示全部樓層
>>蔡瀾做特技??
青翼蝠王 發表於 2011-10-25 00:18<<

唉,影界一將功成萬骨枯,恩恩怨怨功功勞勞何須為外人道?由"蔡瀾做特技"Tag出小弟任總製片而無掛名的痕迹----蔡生是給人糟塌,我是應份(無掛名),因為我只做咗三個月。

使用道具 舉報

Rank: 9Rank: 9Rank: 9

發表於 2011-11-26 22:36:55 |顯示全部樓層
聽老簫24/10節目講拍戲,一是用七千萬拍《紫荊俠》,一是講台灣片《那些年…》可能過四千萬。呢D無問題,問題係隨口噏的票房數字作引證,引錯咗。其實記錯都好閒啫,令人好笑者係簫氏隨口噏但又懶實牙實齒咁的口吻,是一貫口水佬作風表現。

●引述《紫荊俠》用黑玫瑰橋的根由,簫氏話當年《黑玫瑰對黑玫瑰》收三千幾萬。查《92黑玫瑰對黑玫瑰》只收2280萬,排名第15---1992年是港片歷史收入最高的一年。二千二萬不算是好賣座,當年最賣座的是杜琪峯+星仔的《審死官》,收4988萬。

●簫氏話《那些年…》可能過四千萬,Tag去以前台灣片冇邊部咁賣座,云云。又隨口噏:『當年的《搭錯車》收將近三千萬,但搭錯車唔係台灣片,因係黄柏嗚編劇』---聽到令人嘔血。兩瓣都錯,查1983年《搭錯車》僅收494萬,排名第23,PK個種。

《搭錯車》百分之一百係台灣片,其中三個台灣編劇(其中一個是我後來4年來在台灣的下手編劇---是下手不是手下) ,兩個是有名氣的。《搭錯車》出名係支歌唔係部戲。簫氏可能更加唔知,《搭錯車》唔只係台灣片,而且係sell"本士touch",當年未開放台語,故此,《搭》片係國片台味(指element),和後來一些本土台語片不同。當你以為"悲城城市"係台獨片(有台語),點知導演侯孝賢20年後俾民進黨視作台奸。而新近一代基本上是台語片底(touch及社會感情)加外省味(即舊國片筆觸),如《海角七號》,《那些年…》未看。

黄柏嗚掛頭牌,皆因是新藝城(金公主) 投資之故。我以前說過,當年新藝城個個(3+n)都係老細兼撈戲(部部戲都有兼撈/掛牌) ,結果D戲投資失敗,但人工肥仔,大老細"食髓知味",離場。(但不排除柏嗚有指點《搭錯車》點度,然而宋項如和吳念真會聽你點?)

簫氏又說台灣片從來末 在香港威過,真係無知。佢唔知道"今天不回家"個個年代。香港自粵語殘片式微(芳芳寶珠唔撈之後),香港電影界基本上由外江佬統治。我1970年靚仔時入永華/國泰,90%導演是外江佬,而這班外江佬60%台灣來的(通是國聯舊將)。如屠光啓王天林高立唐璜等則是由大陸來的,10%是楚原。(1966--1970)台灣片基本上打低國泰片,而以邵氏片抗衝。

使用道具 舉報

Rank: 9Rank: 9Rank: 9

發表於 2011-11-26 22:37:20 |顯示全部樓層
●似有網友指出《龍門客棧》(可能是最賣座台灣片) ,簫氏唔識答,支吾以對。簫氏絕頂聰明強聞博記,但就是不夠誠,沒電影史sense,中意死吹,唔識票房的歷史sense,對三千萬on what year,無乜概念。呢位網友對了,1967年的《龍門客棧》在香港收二百多萬(沒文字紀錄,但我多年前就知道,寫過N次) ,相等於今天的三千幾萬。

查1970年代前,港片過百萬就是最賣座。張徹就是以《獨臂刀》過百萬而彈起(稱百萬導演垂十多年) 。打岔一句,當時有人話長凰新拍的《金鷹》(高遠、陳思思) 和《東江之水越山來》(紀錄片)也過百萬票房。

說回1967年收二百多萬的《龍門客棧》,點巴閉,看看其後十多年香港最賣座影片(頭四部)的數字,就可比較(列出中西片):

使用道具 舉報

Rank: 9Rank: 9Rank: 9

發表於 2011-11-26 22:38:17 |顯示全部樓層
1969年   神龍猛虎闖金關$1,311,061 獨臂刀王$1,295,394毒龍潭$1,200,385龍門金劍$1,183,141
1970年   偷襲珍珠港$2,375,907龍虎門$2,076,658鐵金剛勇破雪山堡$1,449,003十二金牌 $1,440,547
1971年   唐山大兄$3,197,416拳擊$1,727,738雨小無猜$1,596,689新獨臂刀$1,596,530
1972年   猛龍過江$5,307,350 精武門$4,431,423大軍閥$3,464,724鐵金剛勇破鑽石黨$2,818,364
1973年   七十二家房客$5,626,675海神號遇險記$3,894,978龍爭虎鬥$3,307,520教父$3,097,990
1974年   鬼馬雙星$6,251,633老千計狀元才$3,610,950巴比龍$3,145,044驅魔人$2,823,025
1975年   沖天大火災$5,716,515天才與白痴$4,553,662大地震$2,716,023廉政風暴$2,543,074
1976年   半斤八兩$8,531,699她的爸的媽媽的$5,811,389大白鯊$5,510,024跳灰$3,875,745
1977年   筧橋英烈傳$11,588,609南拳北閥活閻王$8,238,611俏探女嬌娃$7,704,046鐵金剛勇破海底城$5,267,856
1978年   賣身契$7,823,019醉拳$6,763,793油脂$4,172,006野鵝敢死隊$4,013,214
1979年   鐵金剛勇破太空城$7,864,054笑拳怪招$5,445,535牆內牆外$4,798,177神偷妙探手多多$4,086,632
1980年   慘通的戰爭$9,429,871冤魂不息$6,688,714殺手壕$5,776, 166帝國反擊戰$5,742,063

使用道具 舉報

Rank: 9Rank: 9Rank: 9

發表於 2011-11-26 22:38:33 |顯示全部樓層
本帖最後由 舊電影人 於 2011-10-27 15:04 編輯

●嘩,估都估唔到,歷來最賣座的台灣片是1977年的《筧橋英烈傳$11,588,609》,而且是當年的中西片票房冠軍。當年千一萬肯定等於90年代的三千幾萬。此片威在要到四年後才由《摩登保鑣》(收千七萬) 破到紀錄。《筧》片我睇過,但完全無哂印像。

●Btw,返睇舊紀錄,簫氏話以前香港西片通通唔夠唐片賣座(佢僅指八九十年代時),完全九嗡,相等於佢話「香港以前係無恐佈片的,因為未有高級音响…」。唔記得D數字好閒啫,但唔好實牙實齒咁亂吹。----我都記唔到,但有印像,回頭去查咪得。所以話,開咪會幾害人,天才表演變九噏表演。

使用道具 舉報

Rank: 9Rank: 9Rank: 9

發表於 2011-11-26 22:39:09 |顯示全部樓層
本帖最後由 舊電影人 於 2011-10-27 18:59 編輯

琴晚26/10佢又再一次話對上一次最威的台灣片係《搭錯車》,仲係話收三千萬。旁邊擦鞋仔噤苦寒蟬,氣氛詭異----我相信有擦鞋仔之前睇過本欄,但冇人敢提醒此傻佬老細。

近年在香港的台灣片比較突出的有一部《聽不到的˙秘密》,周杰倫編劇及導演,電影成績好到不得了(我俾80分)。我走入戲院睇,原因係我一個電影界老友話,個原故事係佢嘅,不過俾人偷咗咁話(無話係周杰倫偷) ,我唔敢插咀,因為無可能無必要去辯証其真偽。

使用道具 舉報

Rank: 9Rank: 9Rank: 9

發表於 2011-11-26 22:40:08 |顯示全部樓層
本帖最後由 舊電影人 於 2011-11-26 22:45 編輯

#盪L

>>琴晚26/10佢又再一次話對上一次最威的台灣片係《搭錯車》,仲係話收三千萬。旁邊擦鞋仔噤苦寒蟬,氣氛詭異----我相信有擦鞋仔之前睇過本欄,但冇人敢提醒此傻佬老細。
近年在香港的台灣片比較突出的有一部《聽不到 ...
舊電影人 發表於 2011-10-27 17:00<<

你說得對, 《搭錯車》在香港, 的確只收了四百多萬, 《搭錯車》賣座, 其實是在台灣, 但不是三千萬, 而是約四千萬新台幣, 相對於現在時的幣值, 應該等同有過億新台幣票房. 網上好容易便查得這些資料, 錯不了的.

使用道具 舉報

Rank: 9Rank: 9Rank: 9

發表於 2011-11-26 22:40:46 |顯示全部樓層
miaomiaojo
>>前輩有否興緻貼貼有關「香港一百部推薦電影」於小弟版上,加上閣下豐富親身經驗,敢當十分有看頭...先謝<<

---又前輩?攞命!

---小弟版---what is that?

---貼貼有關「香港一百部推薦電影」
大工程也。有關指?---
(1)一般影評?
(2)在電影的訖事(我知道的)?
(3)我親身體驗with this films(不多)?

使用道具 舉報

Rank: 9Rank: 9Rank: 9

發表於 2011-11-26 22:42:29 |顯示全部樓層
七千萬拍《紫荊俠》, 這個卡士? 周秀娜有這個市值嗎?

但更加嚴重的問題是, 他們宣傳的那位《紫荊俠》, 是一位與他們理念一樣 (表面上), 爭取什麼民主公義的英雄人物, 但是, 大家如仍記得當日報紙的報導, 有關這位紫荊女俠的真正身份, 如果真的是那位前國家領導人的後人, 她怎會與老蕭這班人同一個 mind, 對抗建制? 俾真的那些紫荊女俠看到, 只會得啖笑. 救濟窮人, 才是紫荊女俠以往一直做的事情 (類似這事情, 國內有些暴發戶也在做著, 沒有什麼奇怪), 卻從來沒有一次出來反過什麼建制, 爭取過什麼公義嘛! (起碼, 她沒有聽從老蕭走去打小人!)

你老蕭如果真的想借一人物來講什麼民主公義, 就唔該佢好好創作一個新角色, 扭曲紫荊女俠的行徑來乎合他的思維, 等同抽水!

使用道具 舉報

Rank: 9Rank: 9Rank: 9

發表於 2011-11-26 22:43:36 |顯示全部樓層
#cooler

有無係咬台做節目??

使用道具 舉報

您需要登錄後才可以回帖 登錄 | 註冊

Archiver|手機版|ckin馬友農/william.c 貼文Archive

GMT+8, 2023-2-2 15:40 , Processed in 0.055260 second(s), 9 queries .

Powered by Discuz! X2

© 2001-2011 Comsenz Inc.

回頂部