請選擇 進入手機版 | 繼續訪問電腦版

ckin馬友農/william.c 貼文Archive

    From:
  • 謎網
  • 香討
  • 人網
  • 咬台
  • 人民台
  • 中時
用戶名
密碼 註冊
查看: 836|回復: 12

926圍政總前後 [複製鏈接]

Rank: 9Rank: 9Rank: 9

發表於 2014-9-26 20:42:00 |顯示全部樓層
反對中學生罷課
---「正義」和「政治鬥爭」的關係


拗頸友會問﹕現代公民抗命爭民主是正義行為,有何不可?思辯上係咁﹕面向上,實際影響上,公民抗命爭民主toward和中央爭權就是一個政治問題,就是一個嚴重的政治鬥爭問題,會影響公眾。好比炸彈客在空無一人的大地上自嗚正義,欲引爆炸彈,無人會理佢,正義會抽離地成立。假如在飛機上欲引爆炸彈,就成為恐佈份子事件,該正義就有面向性及價值性。

或曰,你幾百個乘客為何不能犧牲自己而成全我的大義?香港人多港豬,不覺醒,不敢自決,不敢打倒老共?算乜?理論上來說,無話邊個錯對,睇take乜立場矣。下一步就是誰怕誰。機上實蕉睇穿炸彈客係流料,上前擒抓炸彈客,擾攘折騰,機上眾乘客嚇個半死….。相信罷課中學生家長大概唔知道「公民抗命爭民主」的「正義」和「政治鬥爭」的關係及結果。2017年方案(假定)被否決後,睇下大家點死。

我話過唔責怪年輕人,我責怪父母---一心想子女長期對抗中央的除外。
2003

Rank: 9Rank: 9Rank: 9

發表於 2014-11-8 20:25:31 |顯示全部樓層
黃之鋒「應然梆架實然」

另一個思辯係「應然不能梆架實然」,尤其是自認為的應然。黃之鋒說的「你做一件事唔係去諗會唔會成功,係去諗應唔應該做!」,就是一個例子。這是精神感召法---祈禱不在乎上不上到天堂---是講耶穌,所有政客都係咁。而政治鬥爭應toward work唔work的這種方向。

要使老共走向民主從而使香港民主,須用社會壓力及政治壓力(包括公民抗命)令其改變,(革命也是一法,但無條件)。須用主觀能動力(例如孫文及老毛)改變實然,條件是客觀形勢配合,不然就變咗陳近南。黃之鋒只不過是一個早熟的少年陳近南,夠酷,但不實際。

使用道具 舉報

Rank: 9Rank: 9Rank: 9

發表於 2014-11-8 20:26:47 |顯示全部樓層
巴巴先生

回覆 1157# 的帖子
樓主,其實妨間有好多市民都係咁睇:

支持大學生罷課抗爭,因為佢地有理想無包袱...
但絕不支持中學生罷課抗爭,因為佢地都仲未知道係乜野一回事.....

結果...昨晚衝擊政總果班人,完全以中學生為主...把運動性質完全改變...

使用道具 舉報

Rank: 9Rank: 9Rank: 9

發表於 2014-11-8 20:27:47 |顯示全部樓層
926衝擊事件有感
2014-09-27

926晚之鋒哥率領學生衝擊政總事件,我都有D震動。

我是保守派,但年輕過,態度開明,自問論事客觀(起碼要求自己客觀) 。「父母容許子女參加政治(含罷課)」和「之鋒派學生激烈衝擊政總」,是兩回事,先不論。

不是矯情,衝擊呢件事無乜錯對,睇你take乜side。香港所謂抗爭行動大概已經去到準革命性質,話明要反對中央(甚至有分離成份)﹔話明打倒共產黨政權﹔話明要癱瘓政府。爬下鐵欄衝擊下差佬,有乜唔得(反對派角度)?差佬要出糧,激烈阻擋,有乜唔啱?假如政府意志不強,比如林x光之流學田少倒戈,警方乏力及失能,社會會亂,迫阿爺take over耶。但我睇阿爺唔會中計,會先應對香港當局內部的異動份子---林x光唔好郁呀!

我不認為「非暴力」的作用,這是自欺欺人的理論。問題是矛盾--侵入(invade)--衝突。問題是衝突會產生磨擦,其中會產生激烈肢體衝突,不是當事人想唔想用暴力的問題,「潛伏」後面都有死人的事。特府回歸後嚴守不流血政策,很多人在港英時代倒被鬼佬及差佬仆濕過,食得咸魚抵得渴。

香港到咗激烈政治鬥争的時刻,反對派(尤其是激進派)是跟當局鬥意志---實力上是鬥唔過的---睇下市民會不會被影響,倒過來成為普遍的刁民(尚不是反民) 。中共一定不會讓步,臨界線若何?唔知。

(1)

使用道具 舉報

Rank: 9Rank: 9Rank: 9

發表於 2014-11-8 20:31:35 |顯示全部樓層
926衝擊事件有感


926至927凌晨衝擊事件的特點是﹕

◎之鋒哥一如所料大出鋒頭,成功地衝擊當局,使926事件成為落閘後抗争活動的亮點。

◎本來學生哥已override哂政黨人士,甚至隱隱然override佔中黨(扮激進的温和民主派) ,當然亦排除了名義上的激進派---熱血、波蘿、人力及影帝長毛等。

◎那知學民黨(大部份是中學生)連學聯都override埋。學民黨成了香港唯一的激進派。

◎之鋒哥成功地博到一張被擒倒的照片,此照片價值千金,之鋒哥大勝利。
http://www.c4ckin.com/logs/wong.jpg

◎阿爺負責政治戰線的人要炒尤魚,鬥不過一個四眼仔。先前造謠之鋒仔受美國佬訓練體能,手法拙劣到令人吐血。

◎這個四眼仔真不簡單,override &顛覆了主流民主派的抗爭路徑。在保守派市民看,這個靚仔主動引發衝擊,屬搞搞震友之猶。但學生哥黨大哂,於所謂民主抗爭潮流,殊非好事(民主派角度)。

◎926警方走甩呢條靚仔,場面失控,慌失失捉人,俾班學生哥博到眼球,有人失職。睇嚟,昨晚警方被之鋒併勁激嬲,至今仍未被釋放。差佬無政治智慧,之鋒四眼仔是聖牛,不要碰,千萬唔好判佢坐監呀!

◎現時政總仍有人圍擾,926事件擴散效果有幾大,要睇落去至知。市民就係咁鄉愿,將同情學生和同老共死過劃上等號。警佬好努力咁manage呢種場面,好似練習緊應付10月初的佔中情況。

◎926事件點影響10月的佔中,拭目以待。

(2)

使用道具 舉報

Rank: 9Rank: 9Rank: 9

發表於 2014-11-8 20:35:30 |顯示全部樓層
「主觀能動力」和個別政治領導人物

前文提及「主觀能動力」和「應然」和「實然」和「改變實然」和「客觀形勢配合」的問題。「主觀能動力」是要和個人結合的。所謂個人,即個別政治領導人物。歴史上的洪秀成、孫文及老毛等俱是,真的是英雄做時勢。

當代,台灣的陳水扁是,改變了局勢(實然)--- 但最後無功---馬英九不是。香港的黃郁人是,改變了局勢(實然)--- 但最後無功---司徒華不是。

近期得看黃之鋒。看看以後會不會變成十多年前的辣椒仔(張性學生女會長) ,或4年前的陳巧文,或馬草泥。

使用道具 舉報

Rank: 9Rank: 9Rank: 9

發表於 2014-11-8 20:35:54 |顯示全部樓層
香港年輕人不敢說「不知道」

關於「反對中學生參與政治性罷課」,看昨天電視,一高大肥仔中學生話會聽父母話,不會參加罷課。訪問者最後問他﹕「你心中想不想?」肥仔不情不願答﹕「想」。他其實想答「不知道」,這就是中國人的鄉愿性,受不住道德壓力,也不知道那道德是假道德。

這使我想起文革時人們不敢說反對階級鬥争(真心的) 。陳水扁時(2000年--),台灣人不敢不說去中國化(真心的)。近年來,香港人不敢公開話「不讚成民主」、不敢公開話「不讚成普選」。最仆街的是,連流浪狗死於車軌上,都不敢「不哀悼」,呢個城市係咪愚昧?香港已失悼了以前的串(獨立思想)。

使用道具 舉報

Rank: 9Rank: 9Rank: 9

發表於 2014-11-8 20:36:19 |顯示全部樓層
香港年輕人上街不知風險,當煮飯仔

926衝擊事件後,一個女仔學生淚流滿面說﹕「想不到警察會用武力!想不到香港會係咁?」(大意) ,這是愚昧。或說,是她的父母親愚昧。全世界政府都不容許「反民」衝擊的,呢位妹妹仔以為上街違法係玩煮飯仔?呢位妹妹仔以前未聽過/看過胡椒噴霧?以為警察叔叔會用伸雙手歡迎學生仔的衝擊?

幾十年前,我做靚仔任職港台時,親耳聽到倫兆銘(時為PO)講述幾年前六七暴動,他當港台記者時所見,差佬點對付左派女學生。他說,某差佬一手捉住女仔學生,一手用警棍插入女生裙下身體部份,警棍抽出時一片血紅…。當時聽到我打冷震,至今難忘---現今有那位左仔叔伯可旁証我。

我不說今天差佬好仁慈,我只想說現今香港人太幼稚,或說妹妹仔的父母太幼稚。冇話俾個女聽,上街對抗的風險。又真,連花生台xx之流都會抱怨差佬屈人手之不對、早上無糯米雞早餐之不對,十分身嬌肉貴。某台CEO在節目中咆吼「想不傷害年輕人,就唔用胡椒噴霧啦!」真係幼稚,唔通叫差佬用警棍?現今香港人太幼稚,唔知乜嘢叫做食得咸魚抵得渴。

妹妹仔或妹妹仔父母不知道上街的風險,在於不知道黃之鋒會突然率隊撲向差佬。係咁嘅意義上,主流民主派又真係具確定性,具維穩性。延伸下去,阿爺面對某些反對派突然發顛,掀動社會風潮,誤判形勢,被迫出手,就大鑊。請阿爺多看看妹妹仔這個case。妹妹仔亦請理解,the point不是差佬叔叔出動胡椒噴霧也。

使用道具 舉報

Rank: 9Rank: 9Rank: 9

發表於 2014-11-8 20:37:11 |顯示全部樓層
2014-09-28
>>支持大學生罷課抗爭,因為佢地有理想無包袱...
但絕不支持中學生罷課抗爭,因為佢地都仲未知道係乜野一回事.....<<


應該咁講,佢地知道係乜野一回事---反對中央政改---但無想通這種commitment(上街明志)會影響自己下半生的政治志向,一生做反對政府的人?

好比中學生有能力去戀愛---戀愛憑feeling就可以---但不能草率決定結婚也。反共反中央可以(思想自由),不用罷課---變咗搞政治了。更不宜上街罷課---變咗陷入政治了。衝擊差佬,就變成上述的妹妹仔,思想迷失了。

使用道具 舉報

Rank: 9Rank: 9Rank: 9

發表於 2014-11-8 20:38:07 |顯示全部樓層
巴巴先生

依家就係太多恐共,反共的怪獸家長,真係以為上街衝擊警方好好玩咁樣,不斷向其子女洗腦.....
結果班子女誤以為好似同人打交咁樣...完全無睇過美國佬點樣響華爾街清場......
最可恨的就係推佢地上去戰場的犯聞議員.....

使用道具 舉報

Rank: 9Rank: 9Rank: 9

發表於 2014-11-8 20:38:42 |顯示全部樓層
巴巴先生

依家所謂"佔中"果班只是烏合之眾,跟本不足以搞乜野"港獨運動"....
我仍然認為依家中央都係唔會出手住,因為佔中果班人經過多次反口覆舌,自我引爆之後,支持佢地既人都開始頂唔順佢地既行為而逐漸遠離佢地.....
最重要的是:依家所謂"學亂+思春+佔中"的混合體跟本就各懷鬼胎,大家都係互有計算,點會有可能做到野?

使用道具 舉報

Rank: 9Rank: 9Rank: 9

發表於 2014-11-8 20:39:26 |顯示全部樓層
巴巴先生

自有毒果,膠蛋之後,二元思想已經深入各階層,你唔跟大隊就會被批鬥成反動派....
隔離時政版都話依家響社交網站都廢事發表意思以免被"起底"就知啦.....
當湯狀話乜野"溫和派已經無市場",咁唔該湯狀諗下當日係邊班人開始搞分化先得架.....
成日話政府帶頭搞"撕裂",但如果無反對派既"配合",點會有得成功?一隻手掌拍唔響的.....

使用道具 舉報

Rank: 9Rank: 9Rank: 9

發表於 2014-11-8 20:41:12 |顯示全部樓層
巴巴先生

自有毒果,膠蛋之後,二元思想已經深入各階層,你唔跟大隊就會被批鬥成反動派....
隔離時政版都話依家響社交網站都廢事發表意思以免被"起底"就知啦.....
當湯狀話乜野"溫和派已經無市場",咁唔該湯狀諗下當日係邊班人開始搞分化先得架.....
成日話政府帶頭搞"撕裂",但如果無反對派既"配合",點會有得成功?一隻手掌拍唔響的.....

使用道具 舉報

您需要登錄後才可以回帖 登錄 | 註冊

Archiver|手機版|ckin馬友農/william.c 貼文Archive

GMT+8, 2022-10-5 18:03 , Processed in 0.053608 second(s), 9 queries .

Powered by Discuz! X2

© 2001-2011 Comsenz Inc.

回頂部