周六上R台錄音奇遇記

william.c

周六上R台錄音奇遇記

前日應R台之約往之錄音。前有述個人很不喜歡泡頭，最初主動提議用phone in方法在A節目談下當下政治。B節目亦即R台主持人用EM回應，幾番往返，終決定在B節目錄音談網台發展---這個內容比較有前瞻性，以及大家會有交集。我强調不談個人、不談政治(因本人是民主建制派)。

而在開咪前，主持人特別問我有時間否for主節目完成後，擬專章安排和我談網台發展(好似係訪談卦)。點知主節目完成後，此中環sales款的主持人竟然粒聲唔出自己低頭玩電腦，又冇叫我走，我唔知發生乜事。一方面禮貌地和另一主持人閒談搭訕，另一方面心中嘀咕，唔識因應。未幾，R台第二批人員回來，好像要進行另一户外活動，滿屋熱哄哄在搬東西，我識做，馬上辭行，唔通等人趕咩。

(1)

11006
9007

william.c

先前，對此主持人的安排sense已有點戒心，後生仔做嘢係咪奉旨咁鬧搞，我真係唔知。比如，約人去探訪錄音，從未通過電話，我已有微言，他照閉塞如儀。我做人幾十年，從未試過上門而不知對方聯絡電話的(假如冇帶地址，點辦？)。到見到面，一眾人寒喧介紹，原來唔興話自己姓乜的，not even報上英文名(遑論派名片了)---我亦知這一輩興咁，但我自己做唔出。我老土，不會自稱自己是william.c(雖然是我真英文姓名)，口報姓乜，這是禮貌吧。

一班友，cyber化卦，這意味著這個圈子社交習慣係咁神秘(怕俾人砍？)，一係意味著雙方冇第二次見面。即係咁，這些柴娃娃式網台堆，所謂來賓，大抵只不過是一片tissue，亷價消費，一次過，唔通當你係iphone咩？R台人聽了莫懊惱，小弟做過大小影視firm，做低時也接待過來賓，知悉這種文化。個人也上過兩次電台/電視台as來賓，成班人個種，想講D嘢大概只有1/100能開到口(入面有個霑叔，你唔使旨意搶到咪)，衰過tissue。所謂大眾傳媒，就係咁亷價，就係咁即食麵式的。

(2)

william.c

本來，上R台B節目，不只不想談政治，不想談個人，也不想談任何內容的，天地良心，而是想結織下呢班大哥，想從技術上偷吓師學吓嘢問吓行情做(本人近來有D搞作)。但一埋牙，表面客氣，但來賓tissue之勢態明顯，沒有絲毫和對方建立任何關係的意思。

二來，知道唯一可聯絡的主持人對技術並不諳熟。三來，R台site剛hang咗，暴露出這班人非IT友，節目中竟再一次大談如何補救，如此handle管理危機(假定是危機)，令我搖甩頭。成日鋤人網掀開肚皮俾人睇，這班「新進」豈不是一樣？由是，想向這班大哥取經之心大為降温。很不幸，R台site hang到而家(四天)。

但這和我疑惑「為什麽講好跟我談網台發展，後來冇件事」無關。到此刻我都唔知此條主持人搞乜鬼？why?唔通短暫失憶？或是厚黑學第八級？但「原因是什麽---點解會冇件事？」始終縈繞我腦中，個人人生中遭遇莫明其妙的事不多，這是其中的一件。此條主持人點解唔索性作一個大話耍走本人，令我唔好咁面懵，所以我懷疑有人懵懵地。

(3)

william.c

crash_china

如想問/了解網台運行. 搵"爆沖"直接D. "爆沖"擺明係生意人(既有基本禮貌)但叫有D良心. 有野會直講. 佢試過muk, 點PK.
同個班吹水佬傾浪廢時間.

william.c

alan8899

好心你唔好上呢D細台喇果班l正一蓄牲禽獸,只顧唱衰别台,但自己又成pet屎,利用完你之後就會原形畢露,啋你都傻以你william.c大哥今時今日網上江湖地位,梗係上D100風波裡的茶杯,或者毓民踩場

william.c

索貝

WC兄終於親身參與, 無論感受如何, 都樂觀其成! 起碼以後評網台多D根據唔會太空中樓閣, 請盡量多談~

william.c

CalvinChoy

多謝WilliamC到敝台作節目嘉賓
多謝William C到敝台作節目<網台大典>之嘉賓, 分享對網絡議題及網台之看法. 招呼怠慢之處, 在這裏表示抱歉. 原有意以訪問William兄之形式, 談論網台發展. 後發現在原定節目話題裏如新網台, D100中談論網台發展另有啟發性. 亦令本集三節有近兩小時的豐富內容, 節目後卻忽略了向William兄解釋細節. 再一次感到歉意, 亦感謝William對我們的提點與批評. 希望William繼續點評網台, 分享獨特意見及經驗

謝
Calvin
Ragazine.com.hk

william.c

我返聽周一晚節目(R台主持人send 咗 link俾我)，我的聲線固然難聽得要死(我幾乎未聽過自己聲音，認不出節目中的自己)，一如所料，口頭表達力奇差(衰過雲大師n倍)，這令我衷心佩服郁人消氏等人。evenB節目主持人，在錄音室中聽其言語，平平無奇，一去到大氣電波(借用)，則入形入格(其他主持人tone & style都疴拉)，這是professionism的一面，唔係阿貓阿狗都可以開咪的，even嘉賓。

點知B節目就叫阿貓阿狗的WC開聲，仲未夾過添。反過來，WC又嫌B節目論時事政治係童軍跳彈床，這是落差。我冇怪節目的定位，但我之前話明唔想講政治，原因一是政治立場，二是在這些節目談這些題材，是不可能深入的，非我WC所願。豈知主持人一開咪，就叫我講六四，之後講陳雲本土論，以及迷網消氏節目等等。令我猝不及妨，好似傻佬發言，姿姿整整咁(my god，有乜可能在短短幾十秒之內講呢D題目的，下面我再elaborte下)，節目中冇人同我交流過一句(指內容)。或者主持人認為已疴拉，這又是另一種落差。

我想，細台維威維冇辦法，但客觀上，網台節目不設監制，是網台缺失之一。主持人身兼多職，事多必失，最值租是把聲。主持人是在講節目，不是在做節目。只想把item推出去，觀眾收到即可。又有好比，主持人是印刷商，非書本編輯。

william.c

crash_china

節目就是節目. 不應因網台放低quality要求. (網台和大氣電波 9 up 多是現況) . 如果, 因網台就放低要求. 死左大半.
(註: 若這是第一次開Mic, 你無大細聲, 會對Mic 講野, 不俗.)

william.c

聽咗？我自己聽咗第一節2/3就熄機。

對生活我無欲無求，對事物/問題的錯對優劣，卻有點唔化。自己都好無奈，個把聲以及講嘢，點似係william.c ?毫無性格可言，可能會俾豆腐之流笑死。

"無大細聲"就OK？要求太低了，我自己N年前就拕過Nagra收音，撈TVB散工(一天)，靚女編導沈月明讚過我。

william.c

crash_china

若這是第一次開Mic, 你無大細聲, 會對Mic 講野, 不俗. <= 說不俗的原因, 平常人說話會看人, 但錄音要對 Mic. 這是一般人常犯的問題. 但如你已有這些經驗. 這評語要修正了. (現下有D所謂主持開Mic 幾個月連這基本意念都無!!)
內容無得評. 因全無控制, 無flow. 但這不應全入你數. 因這是主持工作. 如果主持做得好但你亂答, 當然入你數.

william.c

crash_china

Q仔”政治經濟學” http://www.political-economy.cc/
例子: 小米. 80%唔知講物. 叠聲. 開mic 如朋友傾野. 聽眾點樣頂? 三把聲亂到死. 聲線唔好, 天生. 當佢 part time 算. 但做下把唔好做到幾廿年前買藥, 師父講完就"係,係,係" 或"啱啊", 完全無拉落下個話題, 而且抬唔起個主題.

william.c

crash_china

現網台要轉為生意. 應要做到人可俾錢的要求 (聲音, 穩定時間/交流平台) 和動機 (賣 knowledge, 投資tips, 做信徒....). 否則, 難言是生意. 做嘅求其,客人當然只肯俾小小錢.
我認為現香港收費網台, 如D100有人會俾錢, 多因 DBC 事件. 不是可重覆的方法. WongSir, 因投資+明星. 難. 把妹台, business model OK 但人事問題PK了.