請選擇 進入手機版 | 繼續訪問電腦版

ckin馬友農/william.c 貼文Archive

    From:
  • 謎網
  • 香討
  • 人網
  • 咬台
  • 人民台
  • 中時
用戶名
密碼 註冊
查看: 1115|回復: 5

評釋倒梁行動 [複製鏈接]

Rank: 9Rank: 9Rank: 9

發表於 2013-1-7 23:30:00 |顯示全部樓層
評釋倒梁行動
----幾個context(景况)看


對倒梁行動的評價,得放在什麼context(景况)看:一是宏觀角度;一是中央看香港管治的角度;一是反對派躲在鳥籠內談民運的角度;一是從梁英本身能力及社會歡感的角度。

●我素以宏觀看,訴諸實然(分析)而避免應然(訴求)。香港=鳥籠民主,反對派蔑視這一點,自詡香港民運為主(現在豉吹本土民權)。我認為,出路一是改革中國(reform),一是推翻中共(revolution),香港始終是附驥,反對派始終搞唔掂應是革命(toward中/梁);抑或監督制衡check & blance政府。始終搞唔掂應是獨立;或是革命;或是僅換掉持首?結果變咗盞搞(其中監督施政是小縈者,但我讚成民主制衡政府)。我認為,倒梁行動始終是鳥籠內折騰,決定權在於中央,所以都係哂氣。五區變相公投我都認為哂氣,倒梁行動無乜理由唔係哂氣。

●反對派用自我感覺良好,企圖以「累積反對效果」來影響中央兩年後換上曾俊華(Let say),但換上曾俊華之後又怎麽樣?特首不又是由中央委派?不又是2017篩選特首?不又是2020延續功能組別?「唔通投降呀?」----咁你跟隨郁人日日上街囉(佢就穩坐釣魚船做議員)。冇計,一定要等大陸民主追上嚟至得,這是香港回歸的代價,這是進步地方回歸落後的母體的代價。唔好懶叻,十年後+,香港可能連經濟優勢都會冇埋。

●現狀是,香港社會在內耗,而反對派&市民的所謂抗爭是在空轉(盞搞)。此由於反對派搞唔清楚目的,或是領袖們在欺騙群眾。相等於七八年前台獨搞唔清楚目的一樣(用信仰精神搞獨立),後遺症就係現在藍綠兩班政客在拖台灣社會進步後腿---成為今天的半調子民主社會,台灣社會半死不活。

郁人成日話香港人抵死,唔識共產黨萬惡。我都話香港人抵死,盞搞。在中共能統不能治之下;香港刁民又刁唔得哂之下,特首(&班子)無能己成模式化,香港人仲要話向政府作政治抗爭,大家煮唔成飱飯,香港社會內耗及空轉已成趨勢。這是我看到去年黄之鋒現像+獨港現像+反蝗蟲現像出現之後的看法。

本土年青人反共(黄之鋒等)、港獨/獨港、反蝗蟲力量點樣形塑以後的香港反對派力量,值得觀察。而香港反對派/激進派政黨力量已遞減,或謂,激進派教育出這三股力量,但納唔到佢地埋班。人力只有21個會員;人網轉做凹凸;長毛年年一人提名最佳(比喻);內鬥劇烈----「革命力量」凝聚唔到,抗爭力量空轉。

(1)
1011

Rank: 9Rank: 9Rank: 9

發表於 2013-5-7 23:27:11 |顯示全部樓層
----激進派倒梁為了什麽?

●激進派如郁消等想隊冧中共(央)---革命,應該慶幸梁振英越屎至啱,咁先至會拖垮政權嘛,點會幫阿爺手換人的?全世界都知道唔會換上余若薇或長毛的。照正路換上曾俊華,但咁都唔會改變中共已统治香港的性質噃----Btw,反對派&一些市民的「港人治港,高度自治」是一廂情願的冬烘,而政客們則藉此喊驚圖利,另話----咁都唔會改變2047年後香港全回歸的結果噃!夢想曾俊華做得好過梁英?主觀願望啫,但政治成本大唔大一D?消氏的「死了張屠戶,難道會吃長毛豬」,是言不及義。

郁一D就要特首下台,咁唔需要政府啦!港英時代又唔見你地反對派咁勇?係,時代係進步咗,人民係進步咗,但到頭來進步的結果係乜嘢?又隊唔冧中共/特肯,又制止唔到內耗及空轉,為乜?假如有人向我保証五年之內,香港能脫離中國然後民主選舉,我馬上入黨跟隨!

然則,倒梁行動For What?只不過想落梁英面而已,想削弱政府管治威信而已,削弱政府管治威信又For What?我諗唔明,反而咁會俾咗唔多掂的梁英(係,我改變了先前對此人的觀感)可逃避的機會。假如一個人犯小小罪(失信不算是罪)就判佢死刑(比喻),咁佢以後再犯一些罪,懲罸上己經無力,一下子去到盡等於以後豁免梁英。(這也是公民黨一向不施行彈劾案的思維,奈何義和拳式的激進派不聽)。

(2)

使用道具 舉報

Rank: 9Rank: 9Rank: 9

發表於 2013-5-7 23:27:42 |顯示全部樓層
----中央對撤換梁英與否的幾個層次

●如果激進派以為可以以「累積反對效果」來影響中央兩年後換上曾俊華(Let say),則是發夢,這故意忽視了阿爺的思維及規則。

中央對撤換梁英與否可分為幾個層次:
(1)政治上(中港領導關係),中央不會受制於社會的,中央不會受制於民望而撤換特區領導人的,看林端麟升政務司、烏坎村事件汕尾市委書記鄭雁雄仍是人大的例子,就知道。

(2)倒梁更上升為對抗中央(共)的政治性質,阿爺更要保梁。尤如李旺陽事件(政治性質)中的湖北省書記胡強,冇事。阿爺2005年炒咗老懵懂,已經呻笨,當時麻痺於不知香港是非順民之地,為「民生」抄了老懵懂,削弱了特區政府管治威信,加強了香港刁民抗中能量,政治化了。阿爺learn a lession,現今就算換特首,也不會讓梁英正式下台的(可做虛君)。今期由激進派雙力領銜的倒梁行動,基本上對梁是幫大忙。咁淺的道理, 激進派人竟然看不穿。反而,建制派B隊非梁(不是倒梁)才是阿爺憂慮之處。

(3)失職上的被炒(假定),小季子都識講,除非殺人、强姦、刑事(僭建),係炒唔郁梁英的。之前唔會,十八大之後會見,更唔會,那是公關show。虧老消捉住習總冇提梁英個人,就話會炒梁,笑到我肚爆。咸認為中央不滿梁處理僭建事,但不至於會炒梁,假如係咁,邊個信服你中央呀?不如叫香港激進派去做中央領導人好了。

(4)「而家已決定炒梁,但兩年後先至郁手」---是激進派最一廂情願的想法,佢地以為七常委通通係雙人Fans,同雙人友一樣咁憎恨梁英---「咁聲勢浩大的倒梁行動,梁英佗衰共產黨」,仲唔炒你?(一笑)。

(5)我猜,梁英不能連任2017,有點可能---除非梁兩年內民望飊升。我猜,於2017特首普選,中央應有多手準傋。我相當反對2017年新特首一定要做兩年飬望的說法,消氏等人持這種邏輯,從而推演梁英只能做多兩年,從而証明「阿爺而家已決定炒梁」,自我感覺良好今天倒梁行動已經成功。

(6)消氏等人思維缺憾的地方,在於他們一直逃避香港=鳥籠民主的事實及現實。我猜測,首先,2017年特首普選不會讓民主派侯選人入閘,入閘者由提名委員會控制,使乜用特首職位培飬候選人民望?消氏等人搞錯哂,臨尾特首多數唔掂,這豈不是捉蟲?唐唐做儲君都出事啦!

正路係,一是早預咗梁不能連任,讓他參選,或讓他陪跑也可以。一是容許梁英任職至2017並容許參選(假定之前梁英冇出事),但同時培飬兩三個建制派候選人同梁英跑馬仔,到最後一刻才欽點其中兩人(通過提名委員會)競選,我睇唔出同2012年過程有乜分別。情形同美國調轉,美國黨團初選之後,普選於前,選舉人團票加冕於後。而香港係以民間輿論當初選(阿爺操控),民主派人士陪跑;提名委員會選出二真命天子(建制派)於前,普選票替其中一人加冕於後。2017年普選真義係兩個建制派中選一個,喂,美國都係咁噃!而香港建制派候選人則似日本自民黨(後分裂多出一個民主黨)。

(3)

使用道具 舉報

Rank: 9Rank: 9Rank: 9

發表於 2013-5-7 23:28:19 |顯示全部樓層
----「香港人唔妥你大陸」

倒梁行動歸根結底是一種「香港人唔妥你大陸」的反映,梁英本人的衰格嘢是side factors。俾余若薇或者長毛做咗特首,都會係咁,反對派照反。大陸(中共)值唔值得反,係另一個問題,我講緊實況。睇二月河的《康熙大帝》,史鑑梅跟住老竇反清,係冇理性可言的,「狄夷」就係要反,社會撕裂是代價。1992年,南斯拉夫解體,分裂為塞爾維亞等國家,發生種族滅絕戰爭,和洽居住幾廿年的鄰居,會互相砍殺。非洲盧安達的圖西族與胡圖族的種族清洗,死人無數。兩股敵對力量係點建立起來的?大概亦不涉錯對(於當事人而言),實情就係咁。在台灣,大家都係中國人,台獨為了遙不可及的獨立,會形成藍綠對決,撕裂社會,用的也是民主自由的口號。真係唔知為乜,但局中人(廣大社會)樂在其中,這是一個實然。

今天的倒梁,理由多多,但總不見有人大大聲講唔妥你大陸(中共政權)---一些激進派遮掩掩地講;總不見有人大大聲講組織起來革命或獨立---冇人敢制,唔使做議員呀?殊不知反對派激進派就是躲在香港「不公義的體制」內進行毫無風險抗爭。

睇下真普選之下,有冇人會選余若薇或者長毛做特首?假如余若薇或者長毛做咗特首,睇下有錢人會唔會走哂?假若一夕廢除功能組別,改朝換代,由民主派做執政黨,睇吓香港社會會唔會亂?這相等於以前台灣藍委多於綠委,民進黨先拼命提「公投制憲案」,因為有人會挺住,綠營先至不理性地作反對黨(後來上埋台添)!這叫養寇自重。結果不是制衡,而係制肘政府施政,中國人似乎學唔識乜嘢叫做民主制衡。

一國兩制下才滋生到這種環境,睇下港英年代會唔會俾你咁寸?我絕對不是反對民主本身(民選),而係想指出其中會產生的幣端@社會環境未成熟時,或謂這就是民主的代價。假若,阿爺突然來個單議席單票制,咁你地激進派就仆街嘞(睇下區選就知)。由此,睇出阿爺似乎幾有信心俾香港咁玩落去。可能香港政治勢力分化仲容易管D,什麽倒梁行動,小餅一件。但又唔能夠太亂---到出動駐軍,才叫亂吧。

(4)

使用道具 舉報

Rank: 9Rank: 9Rank: 9

發表於 2013-5-7 23:29:13 |顯示全部樓層
----「平民向有錢人奪權」

香港多有錢人與及有產者,是一個事實及現實,今天香港反對派&市民向建制作抗爭,第一個主因係「香港人唔妥你大陸」。第二個主因講來你可能唔信,係「平民向有錢人奪權」。我2003年在台灣論台獨時,指出台獨不主要是民族主義鬥爭(脫離中國),而是一種社會階層奪權運動---本地福州佬向外來江浙佬奪權,這一論點後來台灣聯合報加以贊同。

我也是香港窮人,作為評論人,我唔會Judge「香港平民應唔應該向有錢人奪權」。我只想指出,抗爭/倒梁後面蕰藏住咁嘅一個社會動力。唔係講笑,大陸社會走向資本主義化,而香港社會卻有D走向共產主義化,仇富情緒嚴重(有錢佬抵死係另一回事)。

睇返,港英年代,社會財富好平均咩?我廿歲時,月付六十元,四個人住一板間房(旺角),點解當時冇上街?現今,50後(?)的杰C仔會叫年青人去革命(因為只得八千蚊人工)----我諗極唔明這種說詞。這種變化,應由專家學者去研究及解釋。

(5)

使用道具 舉報

Rank: 9Rank: 9Rank: 9

發表於 2013-5-7 23:29:42 |顯示全部樓層
---倒梁行動包含幾個不同因素

由是,2013年元旦的倒梁行動應包含幾個不同因素,這和2003年倒董的純民生議題的不同的(那時香港甚至是仰望中央施援手的),當年香港社會比今天困苦得多。今天倒梁,政治性大於一切,以下是幾個不同因素:

(1) 「香港人抗拒回歸思潮十五年後之再泛起」,香港人唔妥你大陸,梁英是大陸代表。

(2)香港社會有D走向共產主義化(比喻) ,「平民向有錢人奪權」(無意識地)。中共維護香港有錢人,反對派遂而針對代表大陸的梁英。其實這是很義和拳式的,因為梁英的政綱是頗偏向平民這一邊的,老番顛式的消氏咁隊梁英,唔奇怪,但一向平實及左派(社會)的Q仔都咁反梁法,不能不說,香港社會已是一個狂亂及反智的社會。

(3)梁英自己的衰格嘢,如僭建及失誠信等。如用西方民主標準,梁英要下台。但今天香港局勢已高度政治化,倒梁己成為中央Vs地方的政治角力,你估阿爺傻嘅咩,會俾你郁到?反之,倒梁派唔知為乜?純粹情緒發洩?或者,請反對派具體指出,曾俊華上任明天會更好的証據,以及宣示曾俊華上任後,反對派不會上街反曾俊華,我才服。

(4)政客行為,帶動民粹市民(反中共反大陸)投入運動,為反而反。

(6)

使用道具 舉報

您需要登錄後才可以回帖 登錄 | 註冊

Archiver|手機版|ckin馬友農/william.c 貼文Archive

GMT+8, 2022-9-29 07:02 , Processed in 0.052426 second(s), 9 queries .

Powered by Discuz! X2

© 2001-2011 Comsenz Inc.

回頂部