請選擇 進入手機版 | 繼續訪問電腦版

ckin馬友農/william.c 貼文Archive

    From:
  • 謎網
  • 香討
  • 人網
  • 咬台
  • 人民台
  • 中時
用戶名
密碼 註冊
查看: 1737|回復: 4

散評《寒戰》 [複製鏈接]

Rank: 9Rank: 9Rank: 9

發表於 2013-1-3 08:43:52 |顯示全部樓層
散評《寒戰》

看了《寒戰》,試評兩句。睇完成部戲,唔覺得悶,尤其是前半段。但部戲完咗之後,又發覺部戲劇本方面的「反派」及「與反派的事件」嚴重不通。我從未試過睇完一部戲,而唔知邊個係反派的。港產片一向閙搞,本來無需深究,但《寒戰》大賣座,可以講吓。

部戲劇本屎(亂哂籠)Vs.部戲好睇的這種背馳現像,我探究原因,係:「反派」及「與反派的事件」只是背景drama,擺係前面的幾個drama,如郭梁對峙、警鬥ICAC、什麽衛護香港法治;以及靚人靚衫靚景;以及部戲拍得有形有款,等等遂而將「反派」及「與反派的事件」嚴重不通一環掩過去蓋了,觀眾不難服待。

部戲camera work十分OK,但導技(全片連編劇計)麻麻。但唔知點解,全片充滿戲劇張力,唔知是來自事件設計(郭梁對峙、警鬥ICAC、衛護香港法治,等等),抑或導技有功。但肯定不是來自「反派」及「與反派的事件」的張力;也不是來自郭富城巧心匠運破敵(這一條線描寫得很失敗);也不是來自人物性格的張力。《寒戰》中人物有職業性格,沒有人物性格(即人性)。

(1)
11002a

Rank: 9Rank: 9Rank: 9

發表於 2013-1-3 08:44:15 |顯示全部樓層
套片亦沒有感情描寫(愛情、友情、親情、內心掙扎)。部戲演員粒粒皆星,有演技,但冇演出。所有人都是抑壓式唸對白,連楊采妮都像一個機械人。全片演出扮cool,好似日本古裝片,與《無間道》日常化演出大異其趣。

Btw,《寒戰》不是傳統香港警匪片風格,香港傳統警匪片係「差佬」、「爛仔」、「馬路」等等(以杜棋鋒的《PTU》為範例),而《寒戰》則是警官片、office片,仲係虛擬個種。成班明星,點似局長、處長、警司?連班匪徒都面目模糊,有些像大陸人。

套片缺乏咁多基本元素,但又咁賣座,而又幾好睇,你又吹佢唔漲。

關於反派線及內鬼線(劇情)的嚴重不通及混亂,dont border去find out。我陰謀論,思疑部戲其實可能拍砸了,好多footage事後給扔了。以致好多劇情好似唔通,好似接唔埋,好似漏劇情,漏鏡頭,其實可能拍咗事後給扔了。

最明顯係衝鋒車失蹤一段,肥妹仔(鄭欣宜)搭人一段都有拍,何以衝鋒車失蹤係全片首發的key line,會冇拍?甚至導致(劇情推進)時序不清,事件不明。我初時就唔知邊架衝鋒車失咗蹤。前面劇情基本上係散咗(交代不清),除咗扔了條片之外,不可能有其他原因。

(2)

使用道具 舉報

Rank: 9Rank: 9Rank: 9

發表於 2013-1-3 08:44:38 |顯示全部樓層
此外,片首旺角爆炸,後面冇交代。更後面的Michal冇厘頭一段,觀眾己知道呢部戲有一大部份戲被cut咗。片尾的反派不知是誰,觀眾嚴重被玩弄。有人說,係為咗拍續集而設計卦。咁又幾神乎其技了,新導演新編劇未開拍就準備拍續集?好簡單,睇下《寒戰續集》係咪由佢倆個再孭飛,就知。電影史中,劇本拍砸了而大賣座的,不乏其數,《英雄本色》(吳宇森)是其一。

除咗「可能拍砸了,好多footage事後給扔了」之外(我懷疑),《寒戰》編導上仲有很多大大小小暇疵。其一是缺乏common sense,什麽處長互鬥,什麽警亷互鬥、什麽衛護香港法治,On9到無倫。之咁,此片由院商江老板投資,江老板專拍國際發行片(如李安片)。《寒戰》遷就大陸及亞洲市塲,思過半矣,我思疑特登冇sense。港人大評特評影片寫實上的錯對,是捉錯用神。此片不是《無間道》般的所謂香港新派警匪片,而是本地片大陸化的示範,此和《家明与舂嬌續集》的「香港底大陸拍」,在市場路線上的創新,等量齊觀。蕭仔成日講路線哲學,應該學習下。

(3)

使用道具 舉報

Rank: 9Rank: 9Rank: 9

發表於 2013-1-3 08:45:38 |顯示全部樓層
「處長互鬥,警亷互鬥、衛護香港法治」等可以特登冇sense,但其他種種的冇電影sense,數不勝數----如片首警匪用雷射光瞄準射殺船上空手南亞人;比如天橋上,警匪點解要射殺郭富城?比如正處長點解遲遲不回,等等。

最可惜是郭富城呢條線,編劇可謂完全不合格。照正路,郭富城出塲應先抑後揚,臨近被炒(被調查)個種,咁挑戰梁家輝至好睇。安排郭富城有特殊技能,如第六感或電腦天才,加上堅持法治精神,加埋與楊采妮的感情描寫(用透视法,被楊采妮甩的), 咁先有主角的weight,而家的郭富城似一個木偶。

「兩個副處長互鬥」全世界都知道抄自Crimson Tide (1995),但人地拍得幾有理由幾有張力呀,而《寒戰》在內在邏輯方面完全係九編。本來,林家棟係key mam,鋪排佢識法律,進行反正隊大佬,D戲會幾好呀?點知郭梁二人扎馬時,林家棟On99企係度,一句對白都冇。(我猜)大概係老板叫導演唔使理事實邏輯,而根據邏輯,呢場戲根本唔成立-----話林家棟識法律,係講吓啫。

內鬼原來係郭富城,呢條線會幾好呀!點知係事後講出來,一拳都冇,編劇導演可謂唔識拍至極。前面既無hints(伏筆)----比如拍告密文件(碎紙時)pan上郭富城cu,沉吟,就搞掂(btw,你老味,冇一個觀眾知道份文件係乜)。又冇elaborate(練盡,鋪排)---- 比如ICAC仔點樣壓迫郭富城,點樣慢慢發現郭的匠心獨運。更冇爆發點---比如徐家傑(ICAC處長)要拉郭富城,ICAC仔襟住,講出郭富城才是告密人。照正路,描寫梁家輝同時發現郭富城計劃,這才好看。

(4)

使用道具 舉報

Rank: 9Rank: 9Rank: 9

發表於 2013-1-3 08:45:59 |顯示全部樓層
綜結,《寒戰》一片,prodution wise得80分;casting冇分,但casts明星得80分;靚人靚衫靚景得70分;camera work 得70分;導演,部份得60分(camera work),部份得30分;編劇得30分。

prodution wise方面,《寒戰》首創香港aerial shots---外國片流行了十幾年,非簡單的Helicopter shots---大概由江老板主導,鬼佬拍出。此外,此片賣座的原因,可以一提。一是觀眾期望,唔知點解,《寒戰》未上映己有一個勢。其二,六百幾塲開畫(到今天第三周仍有294塲),這是院商揸莊的結果。之咁,部戲唔掂,六千塲開畫,都會唔掂。

(5)

使用道具 舉報

您需要登錄後才可以回帖 登錄 | 註冊

Archiver|手機版|ckin馬友農/william.c 貼文Archive

GMT+8, 2023-2-2 15:57 , Processed in 0.020816 second(s), 9 queries .

Powered by Discuz! X2

© 2001-2011 Comsenz Inc.

回頂部