比較少聽網台的一個朋友，一直認為我評論消氏式的反對派=隊冧派(口頭不是但想法是)講法，過於誇大，但睇咗消氏24/06於街頭決志大會上的演講短片，有點贊成我的說法了。

第一，消氏真係想造反。

第二，消氏都提過朋友都說他傻，這個朋友說，消氏真係傻。這個演講應該係卅年前中英草簽前發表，人民力量應該在卅年前就成立，時間錯亂，咁仲唔傻？

第三，朋友讚成我「只批認知，不批認同」的哲學。即係話，只反對對方的九噏，不反對對方的(政治)立場，因為大家唔係政敵。當然，當你認同/立場後面的認知有問題，你的認同/立場也就不馨香了。

第四，朋友同意，我一向就消氏=政治評論員/公共知識份子這方面批評他；他一旦參政，似不用批評他作為政客的立塲以及政客所需要的花招，因為我們沒有參與政治。但我們一樣可以批評他作為政客的九噏，這是對事物錯對問題。

第五，決志大會上的消氏演講，中心思想含意是「香港人應站起來反對港共暴政」！前面卅年前講的是實然面(with 時間)，卅年後亦有實然面。應然面講到識飛，都係傻佬在噏嘢：
(A)中共(假定)暴政不等於係特區政府暴政；
(B)無証據証明董曾二任是暴政政府；
(C)無証據証明梁x英將會係暴政政府；
(D)假定梁x英係共產黨員，也不是「港共治港」；
(E)中共统治香港是個現實；高度自治表示不是分治；中聯辦不是佔領軍總部。
(F)中共不只沒有行暴政於香港，反而多次救濟香港。政治上當然係想控製香港，但無乜力，中共大政係羈糜香港至2047。但因民生不靖，社會轉型痛苦，俾咗激進派有藉口「造反」(但口頭不認)，此為「倪老匡現像」---九七前用腳反共，香港冇事，回港，用口反共。回歸十五年後睇出港府管治威信墮後，不反白不反，吃肉又駡娘，幾爽。
(G)香港民生不靖社會轉型痛苦是個事實，掛靠中國民主或香港民主來解決，未必即麽簡單，也欠實際。而被香港地方本位&反共主義者借用從而動盪社會，人們是否應該區分一下？研究一下？
6001
1011

(補談)與朋友談24/06決志大會消氏演講(2)

朋友說，消氏决志演說煽動性極强，是政客語言出色的表現，消氏善用悲情牌，十分成功，老師父出手，確自不凡。

第六，但政客語言就是政客語言，撇開演講中大量失實的陳述以及反智思想不論(他當笑話襯托演講)。中心思想係，你造乜反先？目的係乜？狀若隊冧黨，但明知短時間內隊唔冧梁英及中共，自己又宣稱不是革命黨，咁搞乜呢？想做隊住黨及建制內制衡政府，似乎又唔係人力的這杯荼。至於方法，消氏的不合作運動(精神)則是政治泡泡糖。

第七、選立法會不是隊冧梁英及中共的方法，剛相反，而是走入建制。從政治學觀點論，是投降派。奢想用三至六七個人社激進議員會隊冧政府，是欺騙信徒。這只會搞到政府(消息傳來，人社三子第二波拉布成功)，不會隊冧政府。besides，梁英下台後唔通會俾郁人做特首？民主烏籠之下，只能隊住政府。民主烏籠下政黨政治ABC，要團結所有泛民，才能有效制衡政府。但一個樹敵怪魔，一個認叻怪胎，都幾好玩，幸好有7-15%(我估)激進信徒，都有得玩嘅。

第八、朋友說，香港激進派越嚟越似前幾年的台灣民進黨，其一花招係大打悲情牌。但郁人的毀家抒難，笑到台灣朋友碌地。

消氏24/06演講，用上：
(A)「我是香港人」----己有港獨味道。

(B)「我可能會死、選立法會=慷慨赳死」---偷換概念，將「年紀大、身體唔好去選」轉換成「同港共死過=有可能被港共迫害致死」---只有義和拳友感動，外間人認為On居。

(C)用孫女過橋，朋友最唔抵得，話消氏成日講原則，但剝削個Bb女係最冇原則的行為。「等個孫女升大學時仲見到我」，what the hell is that?咁只關乎消氏個人長壽啫(81歲？)，同選立法會有乜關係呢？更何况，消氏自己都有個剛升大學的女，叫下而家D仔女睇下網上D人點攻擊自已點冇原則先，仲好啦！唔好剝削個Bb女啦。我補充，消氏反共原則，係真嘅，呢種係政治立場原則。但平時講的，叫做人原則，有錯對觀念，有一致性。even反共原則，消氏都唔係好一致，或者咁講，一方面反共，一方面又利用大陸揾食。

(補談)與朋友談24/06決志大會消氏演講(3)

朋友講，前幾年，陳水扁點解咁掂，因為唔要面，唔要面咁吹水，甚至相信自己的吹水嘢。陳水扁同民進黨令到台灣選民亢奮，叫做餵台灣人民食春藥。而家睇下郁人+毛舊慣常的聲色俱厲，消氏自己在節目中已用喊叫式發言，班泛民議員亦學精了，用丹田氣發言了。朋友講，香港有幾分前幾年台灣的景像了。消氏這一日(24/06)的落春藥式演講，倒是有點內容的。反面舉例則是袁x明有一晚在台上的演講，可謂慘不忍睹。

第九、朋友講，消氏當日吹噓集會人數仲多過當年什麽泛民集會，咁講有乜意思呢？有冇諗過，當年的幾百人有多少人仍在政壇上？而今天的決志大會，台上孤家寡人，台下只是一班烏合群眾----連人力都唔知效忠邊個好。消氏吹到天下無敵，譽滿天下，徒子徒孫無數，當日大會固然少見知名人士，連業內外舊朋友都不見一個(消氏家人有冇相陪？)

睇下消氏身邊一齊打拚的人，真係戥消氏喊聲淒涼，同年紀輩的只得返郁人一個(仲係舊雇員關係，而家仲暗中內鬥添)。反董時代的盟友通通散晒水，連所謂人網gang都冇幾個(指梁x祥個批)，近文滋係受薪鼻涕蟲(受封王曰人力政策部部長？)，而家一班古零精怪的所謂備選立會新秀(噏、必、袁，星、陽等)，原來都只係聽咗人網兩三年D友仔，恐怕連談論人網歷史以及談論消氏思想的資格都沒有。朋友講，咁就從政(立會個隻)？呢幾條友，係有口頭禪"消生講"，但幾時演繹過消氏思想及理論？----對唔住，呢幾條友似乎未寫過嘢(朋友無睇FB)----- 朋友講，呢幾條友，舉例，有邊個夠膽夠能力駁斥吓wiliiam.c網上鋤消貼文(凡七年)？或者夠能力駁斥一下其他網上鋤消貼文(有內容部份)？

1969年九大時，老毛見只有林彪一人同坐台上時，有孤家寡人的感覺，還肯拉總理等上台，相信消氏沒有這種自省性了(也無人可拉)。然而，人網只係一個消氏樂園，神龍教矣，無所謂了。但又然而，樂園娃娃去選立會，搞邊科？what the hell is 智勇相傳？---馬名？